Sólfangarar á tøkini í Keypmannahavn

Síðani tað grøna orkuskiftið tók dik á seg hava danir gingið á odda á fleiri mótum. Eitt nú við at seta upp vindmyllur og eisini framleiða vindmyllur til nærum allan heimin. Nú skulu eisini tøk takast, tá talan er um at menna sólorkuna.

Borgarstjórin í Keypmannahavn, sum umsitur umhvørvi og tøkni, Line Barfod frá Einheitslistanum heldur, at sólfangarar skulu setast upp á tekjurnar í býnum og hevur lagt eina ætlan fram, har 73 almennir bygningar í framtíðini kunnu lata streym inn á netið frá sólfangarum á tøkunum. Hetta skrivar Barfod í danska miðlinum Altinget. Hon vísir á, at vegleiðing frá Orkustýrinum frá 2022 ger tað lættari hjá kommununum at seta sær slík mál.