Norra roknar við methøgum skattainntøkum frá olju og gassi 

Norski staturin kann rokna við at fáa 884 mia. kr. í skattainntøkum frá olju- og gassframleiðsluni í 2022. Hetta er nærum ein trýfaldan av skattainntøkunum í 2021, tá hesar settu met við 295 mia. kr. Hetta skrivar norski skattamyndugleikin í einum tíðindaskrivi. 

Skattainntøkurnar frá oljufeløgunum hava ongantíð verið nær námind so høgar sum nú. Orsøkin til stóra vøksturin stavar í fyrsta lagi frá methøgu gassprísunum í 2022. Eisini ein veik norsk króna er partur av orsøkini. Peningurin fer í norska oljugrunnin, sum síðani rindar eina ávísa upphædd, ið verður partur av fíggjarlógini.