Ráðstevna: Burðardyggar mentanarupplivingar í Norðurlondum

Grøna skiftið átti at verið lættari fyri mentanarstovnar. Í hesum sambandi skipar Norðurlandahúsið í Føroyum í dag fyri ráðstevnu fyri áhugaðum, har arbeiðið við at gera eitt grønt vegakort til burðardyggar mentanarupplivingar í Norðurlondum varð lagt fram, umrøtt og ment.

Grøna vegakortið yvir mentanarupplivingar í Norðurlondum er partur av Sustainable living hjá Norðurlendska ráðharraráðnum, sum verður eitt amboð í arbeiðinum at menna grøna skiftið hjá mentanarstovnum í Norðurlondum og fer tað at gera tað lættari hjá mentanarstovnum at fara í holt við grøna skiftið skrivar Norðurlandahúsið á síni heimasíðu.

List- og mentanargeiranum í Norðurlondum vantar stuðulsskipanir, leiðreglur og amboð til eitt skynsamt skifti til eina grønari mentanaruppliving.
Vegakortið eyðmerkir og tekur burtur forðingarnar fyri neyðugum átøkum, tað eggjar til broyting, mennir nýggjar mannagongdir og hjálpir við at flyta vitan í verk.

Ráðstevnan bjóðar innlit og vitanardeiling um burðardygga mentan.

Gunn Hernes, stjóri í Norðurlandahúsinum beyð vælkomin og setti ráðstevnuna í morgun. Fyrrapartin hava verið fyrilestrar við luttakarum úr Norðurlondum og hava teir verið stroymdir. Millum fyrilestrarhaldararnar var  Inger Smærum Sørensen frá Norðurlandahúsinum. Heitið á hennara fyrilestri var “Culture as part of Sustainable Living. Seinnapartin er bólkaarbeiði.