Jan Müller
Evropeiski íløgubankin gjørdi í hesi vikuni av at gevast við at lata fígging til fyritøkur, sum arbeiða við fossilum brennievnum, tvs. olju, gassi og koli. Avgerðin kemur í gildi um tvey ár. Tíðindini koma frá Reuters, sum skrivar, at ein meiriluti í nevndini fyri bankan tók hesa avgerðina, eftir trýsti frá ES limalondum. Miðilin endurgevur varastjórin í bankanum, Andrew McDowell.
Tað eru ES londini, sum eiga íløgubankan, ið lænir pengar til fyritøkur. Í fjør lat bankin fígging fyri 480 mia. kr. Sambært Reuters hevur European Investment Bank síðani 2013 lænt 100 mia. kr. til verkætlanir, sum hava við kol, olju og gass at gera. Meginparturin fer farin til nátúrgass verkætlanir.
Umhvørvisfelagsskapir hava sagt, at tað er neyðugt, at bankin gevst við at gera íløgur í fossilar verkætlanir, um ES skal kunna liva upp til málsetningin við París-avtaluni.
Vinarliga broyt tínar kennifíla - og privatlívsstillingar fyri at síggja hetta innihald