Jan Müller
Sjónám í Klaksvík hevur fingið eina millión kr. frá A.P. Møller Fonden. Hetta visti ÚF at siga frá á middegi. Sambært heimasíðuni hjá KVF, skal stuðulin brúkast til at bjóða fleiri trygdarskeið í frálandsvinnuni.
Hetta eru skeið, sum ikki kunnu takast í Føroyum. Føroysk sjófólk noyðast sum er av landinum at taka hesi skeiðini.
Gongst sum ætlað verða fyrstu skeiðini í seinnu hálvu í 2022.
Talan er um kravd skeið í frálandsvinnuni, sum skulu endurnýggjast fjórða hvørt ár.
Tað hevur annars leingi verið eitt stórt ynski frá Sjónámi og ikki minst teimum mongu føroyingunum, sum arbeiða í frálandsvinnuni, at kunna taka kravd skeið her heima heldur enn at skula fara av landinum at taka tey mongu ymsu skeiðini.
Við hesum stuðlinum er greitt, at eitt týðandi stig er tikið til tess at skapa bæði frálandsfólkum, teirra arbeiðsplássum og maritima undirvísingarstovninum í Klaksvík betri umstøður.
Vinarliga broyt tínar kennifíla - og privatlívsstillingar fyri at síggja hetta innihald