Kongur tekur risa oljukeldu alment í brúk

Tað verður eingin minni enn norski kongurin, sum fer at taka eina ta størstu oljukelduna í norskari oljusøgu, Johan Sverdrup, alment í brúk. Hetta hendir 7. januar og tríggjar mánaðir eftir, at framleiðslan byrjaði á hesi risakelduni. Skulu vit døma eftir teimum innbodnu til hendingina, so er hon eftir øllum at døma ein stórhending í norskari vinnusøgu, tí bæði forsætisráðharrin, Erna solberg og olju- og orkumálaráðharrin Kjell-Børge Freiberg vera til steðar til almennu upplatingina. Hon fer fram úti á feltsentrinum í Norðsjónum, har tey fimm feløgini, Equinor, Lundin, Petoro, Aker BP og Total taka ímóti gestum.