Pálshøll opin aftur sum vanligt

Grøna orkuskiftið í Suðuroy ávirkar Pálshøll. Svimjihylurin er tengdur at avlopshita frá elverkinum í Vági, men seinastu tíðina hava motarnir staðið meira ella minni stillir.

Í vikuni mátti Vágs kommuna taka avleiðingarnar og stongja, tí brúsurnar í umklæðingarrúmunum vóru kaldar og hyljarnir enn kaldari enn vanligt. 

Men nú er gongd í elverkinum í Vági aftur, og Pálshøll boðar í morgun frá, at opið er aftur sum vanligt.

Pálshøll læt upp í oktober 2015.