Innanlands

Føroyska orkuframtíðin á Ósvart ráðstevnuni

Umfevnandi og fjølbroytta orkuráðstevnan “Ósvart” heldur fram í Norðurlandahúsinum fríggjadagin og byrjar kl. 9 við áhugaverdum fyrilestrum um føroysku orkuframtíðina.

Havvindmylnulundir við Føroyar, vetnisframleiðsla og framleiðsla av brennievnum eru m.a. á skránni á orkuráðstevnuni í Norðurlandahúsinum fríggjadagin

2022-11-03 23:00

Jan Müller

Tá fara m.a. Bogi Beck Jensen frá Ørsted at tosa um framleiðslu av grønum brennievni, Terji Nielsen frá SEV fer at tosa um føroyska orkuframleiðslu eftir 2030, og Kári Mortensen frá Umhvørvisstovuni fer at umrøða spurningin, um vit skulu framleiða hydrogen í Føroyum.

Restina av degnum verða nógvir spennandi fyrilestrar, sum vísa á gongdar leiðir innan grøna orkuskiftið. Tað er Tórshavnar kommuna, sum skipar fyri orkuráðstevnuni.

Sí annars skránna her fyri allan dagin:

09:00 Framleiðsla av grønum brennievni | Bogi Bech Jensen, professari og stjóri fyri talgilding og tøkni í orkufyritøkuni Ørsted

09:20 Føroysk orkuframleiðsla eftir 2030 | Terji Nielsen, menningarstjóri hjá SEV

09:40 Skulu vit framleiða hydrogen í Føroyum? | Kári Mortensen, deildarleiðari á Umvhørvisstovuni

10:10 Samanumtøka: Brennievni og orkuframleiðsla

10:30 Kaffisteðgur

10:45 Grundvatn sum orkukelda - heita vatnið í Kollafirði | Rannvá M. Arge, jarðfrøðingur, Tórshavnar kommuna og Óluva Ellingsgaard, jarðfrøðingur, Jarðfeingi

11:05 Smá vatnorkuverk | Ólavur Poulsen, VatnOrka

11:25 Sjóhiti - væl vald tøkni til felagsskap | Petur Egholm, maskinmeistari og køliserfrøðingur

11:45 Grannahiti - felags jarðhitaskipan í grannalagnum | Vilhjálmur Nielsen, p.hd., granskari á Danmarks Tekniske Universitet

12:15 Samanumtøka: Nærhitaloysnir

12:30 Døgurði

13:00 Oljuupphiting fæst burtur við byggikunngerð | Ragnar K. Mouritsen, sivilverkfrøðingur, RAM Sp/f

13:20 Innbygda koltvíiltan í byggitilfari | Vilhjálmur Jakobsen, verkfrøðingur, Tórshavnar kommuna

13:40 Eitt boð uppá grønastu húsaloysnina | Magnus Thomsen, entreprenørur

14:00 Minni hús, nóg rúmsatt | Eyðun Eliasen, arkitektur

14:20 Samanumtøka: bygging og orkusparingar

14:35 Liðugt

Vinarliga broyt tínar kennifíla - og privatlívsstillingar fyri at síggja hetta innihald