Nógv grøn orka í kvøld

Um hugt verður eftir framleiðsluni hjá SEV í kvøld er týðiligt, at regni og vindurin í dag koma væl við.

Í seinastu dagføring sum er klokkan 22:29 stava bert 17,1 prosent av framleiðsluni frá olju. Samlaða orkunýtslan er beint yvir 51 megawatt, og bert 8,70 verða framleidd við olju.

Vatnorka og vindur standa fyri størsta partinum av framleiðsluni. Vatnorkuverkini framleiða 21,01 megawatt, sum svarar til 41,0 prosent.

Vindorka stendur fyri 40,2 prosent av framleiðsluni við 20,60 megawattum. Serliga er tað á Oyggjarvegnum, at vindmyllurnar geva nógv. Vindmyllurnar hjá SEV í Húsahaga framleiða 8,27 megawatt í løtuni meðan tær hjá Vindrøkt á Gellingarkletti framleiða 6,99 megawatt.

Um hugt verður eftir Suðuroynni fyri seg, so er tað 100 prosent grøn orka í økinum. 32,7 prosent vatnorka og 67,3 prosent við vindorku.

Til ber at fylgja framleiðsluni hjá SEV her