Uttanlands

Norra ber ótta fyri atsóknum móti tess gassleiðingum

Í Norra lýsa ávaringarlampurnar eftir atsóknirnar móti gassleiðingum í Eystursjónum. Kunnu líknandi atsóknir fara at raka norska gass infrakervið eisini og harvið steðga norska gassflutninginum til Evropa verður spurt.

Er ætlanin hjá Russlandi at fremja atsóknir móti norskum gassleiðingum fyri at steðga útflutninginum av gassi til Evropa spyrja nú fleiri leiðandi politikarar í Norra

Er ætlanin hjá Russlandi at fremja atsóknir móti norskum gassleiðingum fyri at steðga útflutninginum av gassi til Evropa spyrja nú fleiri leiðandi politikarar í Norra

2022-09-27 22:14 Author image
Jan Müller
placeholder

Í Norra verða atsóknir móti gassleiðingum í Eystursjónum tiknar í størsta álvara, ikki minst tí, at myndugleikarnir bera ótta fyri, hvussu slíkar atsóknir móti gassleiðingum kunnu henda aftur og tá raka norsk áhugamál. Her er tað fyrst og fremst nýggja gassleiðingin úr Norra til Pólands, Baltic Pipe, sum kann verða tann næsta, ið fer at standa fyri skotum. 

[object Object]

Viðmerkjarar halda, at Norra er uttan iva eitt av fremstu málunum hjá Russlandi, tá hugsað verður um framtíðar gassveitingina til ES og onnur lond, nú londini mugu vera russiskt gass fyriuttan. Tá er norskt gass ein týðandi lívlinja til orkuhugrandi evropeiska meginlandið. Og her kann Norra fáa alstóran týdning og hevur tað longu. 

Norskir leiðandi politikarar síggja fyri sær, at eitt land sum Russland kann raka Evropa enn meira meint, um tað ger seg inn á norska gassinfrastrukturin, sum nú er so týdningarmikil fyri Vesturheimin. Og fyri Norra kann hetta eisini gerast ein vanlukka. Millum teir, sum ávara um framtíðina er norski orku- og umhvørvisráðharrin, Terje Aasland, ið heldur, at atsóknirnar í Eystursjónum mugu takast í størsta álvara í Norra eisini.  Hann heldur tó ikki, at tekin í løtuni eru til, at slíkar atsóknir eru í umbúnað at raka norskar gassleiðingar.  

[object Object]


Vinarliga broyt tínar kennifíla - og privatlívsstillingar fyri at síggja hetta innihald

placeholder