Oljuprísurin 90 dollarar

Hetta veit tíðindastovan Saudi Press Agency sambært Bloomberg og Reuters í morgun. 

Eina løtu var prísurin væl omanfyri 90 dollarar, sum er tann hægsti síðani november í fjør.

Tað kom óvart á greinarar, at avgerð varð tikin um at halda fram við framleiðsluavmarking í tríggjar mánaðir. Roknað var við einum  mánað. 

Rusland fer eisini at longja sínar útflutningsavmarkingar uppá 300.000 tunnur um dagin í tríggjar mánaðir til tess at varðveita stabilitet og javnvág á oljumarknaðinum. 

Greinarar rokna annars við, at oljuprísurin fer at hækka heilt uppá 100 dollarar sum frálíðir.