Gongur skjótt framá við vindmyllunum í Flatnahaga

Allar seks botnsektiónirnar oman á fundamentini til vindmyllurnar í Flatnahaga eru nú settar upp, og í vikuskiftinum verða teir vónandi lidnir at undirstoypa, tað merkir, sum skilst,  at  parturin hjá Magn av avtaluni við Enercon er avgreiddur sigur Finn Jacobsen, stjóri í Magn.

Enercon byrjar at montera 1. august. Tvey skip hjá Faroe Ship hava verið  á Havnini við trimum tornum og øllum seks nacellunum. Tað seinasta skipið kemur 2. august við trimum tornum og øllum vengrunum.

Arbeiðið við vindmyllunum í Flatnahaga skal vera liðugt í heyst.

Tær seks vindmyllurnar fara at framleiða tað, sum svarar til 16 prosent av dagsins framleiðslu hjá SEV - ið svarar til orkunýtsluna hjá 13.000 húsarhaldum. 

Myndir: Magn og Ólavur Frederiksen, Faroephoto, fyri Faroe Ship