Innanlands

Grøna orkuskifti á breddan á Glasi

Grøna orkuskiftið verður sett á “undirvísingarbreddan” hjá næmingum og lærlingum á Tøkni á Glasi komandi mánaðin

(Mynd: Glasir)

(Mynd: Glasir)

2022-05-21 13:02 Author image
Sverri Egholm

Áhugin var stórur, tá Magnus Rasmussen og Terji Nielsen høvdu framløgu á Glasi um grønan orkupolitik í framtíðini.

Grøna orkuskiftið verður sett á “undirvísingarbreddan” hjá næmingum og lærlingum á Tøkni komandi mánaðin. Í hesum sambandi vóru Magnus Rasmussen, landsstýrismaður í orkumálum og Terji Nielsen, menningarleiðari hjá SEV og hildu fyrilestrar fyri næmingum og lærlingum, sum ganga á 2. skúlaskeiði, mánadagin.

Fyrilestrarnir vóru startskotið til tveir evnisdagar um grøna orkuskiftið, sum verða í næstum. Magnus Rasmussen innleiddi og tosaði um visiónirnar hjá samgonguni innan grøna orkuskiftið. Fyrilesturin hjá Terja Nielsen snúði seg um Føroyar og grøna orkuskiftið – um leiðina til einar “grønar” Føroyar í 2030.

Møguleiki var at seta spurningar og vóru tað fleiri, ið nýttu høvi og settu viðkomandi spurningar.

Vinarliga broyt tínar kennifíla - og privatlívsstillingar fyri at síggja hetta innihald