Heimsins størsta oljufelag á svartalista

Henda avgerð er tikin eftir, at felagið hevur kannað mannarættindini í londum sum Saudi Arabia, Kuwait, Qatar og øðrum arabiskum londum í Miðeystri, sum øll verða mett at vera partur av brotum  á mannarættindini ella virka undir stýrum, sum seta til viks grundleggjandi mannarættindi so sum at gera mun á arbeiðarum.  Hetta kemur fram í eini frágreiðing, sum KLP hevur latið gera og sum er almannakunngjørd í dag. Feløgini, sum KLP hevur valt frá í sínum íløguvirksemi eru: 

• Saudi Aramco í Saudi-Arabia
• Emirates Telecom í Sameindu Arabisku Emiratunum
• Saudi Telecom í Saudi-Arabia
• Emaar Properties í Sameindu Arabisku Emiratunum 
• Aldar Properties í Sameindu Arabisku Emiratunum
• Etihad Etisalat í Saudi-Arabia
• Mobile Telecommunications í Kuwait
• Dar Al Arkan Real Estate í Saudi-Arabia
• Ooredoo í Qatar
• Mobile Telecommunications í Saudi-Arabia
• Mabanee í Kuwait
• Barwa Real Estate í Qatar

KLP skrivar í frágreiðingini, at tað fer í framtíðini at tilskila sær rætt til útiloka feløg, sum kunnu setast í samband við brot á mannarættindi, javnstøðu ol. Ein orsøk til at seta Saudi Aramco á svartalista hjá norska pensiónsfelagnum er ávirkan tess virksemi hevur á umhvørvið skrivar Bloomberg. 

KLP er størsta pensiónsfelag í Norra. 

Keldur: E24, NRK, Bloomberg, Energy Voice.