Nærkast seinastu mylluni á Gellingarkletti

Seinasta sunnudag kom síðsti vongurin á triðju vindmylluna, og longu  týskvøldið varð fjórða vindmyllan liðugt reist. Hósmorgun varð byrjað at reisa fimtu vindmylluna, og um veðrið heldur sær , er hon liðugt reist fríggjadag.

Tá er einans ein vindmylla eftir at reisa. Veðrið komandi vikuna sær ivasamt út, men um veðrið er til vildar, verður sætta vindmyllan reist í næstu viku.

Tá er liðugt at reisa tær seks vindmyllurnar og eftir er at gera mekaniskt og elektriskt arbeiði inni í vindmyllunum, áðrenn arbeiðið at seta tær í rakstur kann byrja.

Myndamaðurin Jens K. Vang var á Gellingarkletti í vikuni. Her eru hansara frálíku myndir.