Ingi Samuelsen
Oljunýtslan í Føroyum minkaði við nærum 6,5 prosentum í 2022 í mun til árið fyri.
Tað vísa nýggj tøl hjá Hagstovuni. Í 2022 influttu vit 293.725 litrar av olju, og tað er meira enn 19.000 litrar minni enn í 2021.
Hagstovan hevur gjørt upp, í 2022 brúkti vinnan knappar 181.000 litrar, Sev góðar 43.000, húsarhaldini bilarnir knappar 35.000 og húsarhaldini góðar 34.000 litrar. Í øllum hesum bólkum er talan um eina minking frá 2021 til 2022.
Økta sølan av ravmagnsakførum tykist, sambært hagtølunum, ikki at hava sligið í gjøgnum í fjør, tí lutfalsliga nýtslan av bensini øktist úr 3,6 prosentum til 3,7 prosent av allari oljunýtsluni. Gassoljunýtslan minkaði úr 63,7 til 63,1 prosent, meðan tungoljan øktist úr 32,8 til 33,2 prosent.
Tølini umfata eisini skip, sum hava bunkrað uttanlands, meðan útlendsk skip, sum hava bunkrað í Føroyum ikki eru tikin við.
Vinarliga broyt tínar kennifíla - og privatlívsstillingar fyri at síggja hetta innihald