Norski oljugrunnurin metstórt avkast 

Nicolai Tangen, leiðari í Oljugrunninum

Við endan  av fyrsta ársfjórðingi í ár var virðið lækkað til 19.998 milliardir kr., eftir at kríggið millum Iran og Ísrael hevði við sær afturgongd á børsunum.

Við ársbyrjan var virðið á grunninum 21.268 milliardir kr.

Partabrøv stóðu seg best

So stórt var avkastið á ymisku ognunum hjá grunninum fyrra hálvár:

• Partabrøv: 13 prosent
• Lánsbrøv: 0,9 prosent
• Óskrásettar fastognir: 3 prosent
• Óskrásett undirstøðukervi til varandi orku: minus 0,2 prosent

Ávirkast av norsku krónuni

Virðið á grunninum verður ikki bara ávirkað av avkastinum, men eisini av gjaldoyramarknaðinum.

Norska krónan styrktist móti fleiri stórum gjaldoyrum fyrra hálvár. Hetta hevði í sær sjálvum við sær, at virðið á grunninum minkaði við 427 milliardum krónum í hálvárinum, upplýsir grunnurin.

Ein annar táttur, sum ávirkar virðið, er, um staturin hevur avlop av olju- og gassinntøkum, sum verða fluttar í grunnin. Í øðrum ársfjórðingi flutti stjórnin 89 milliardir krónur í grunnin.

Soleiðis vóru ognirnar hjá grunninum býttar við endan av juni:

• Partabrøv: 72,1 prosent
• Lánsbrøv: 25,8 prosent
• Óskrásettar fastognir: 1,6 prosent
• Óskrásett undirstøðukervi til varandi orku: 0,5 prosent

Eigur SpaceX-partabrøv fyri 12 mia. kr.

Týskvøldið legði Oljugrunnurin fram yvirlit síni yvir ognirnar. Tey vístu millum annað, at Nvidia framvegis var størsta partabrævaeigarin hjá grunninum, fylgt av Apple.

Leita í ognunum

Í talvuni niðanfyri sæst, hvussu nógv partabrøv Oljugrunninum eigur í teimum ymisku fyritøkunum, sum grunnurin hevur sett pengar í, eisini býtt á hvønn norðmann.

Í mesta lagi trý prosent av virðinum á grunninum verða nýtt á hvørjum ári umvegis norsku fíggjarlógina.

Í hesum árinum skulu 579 milliardir kr. av oljupengum nýtast umvegis fíggjarlógina. Tað svarar til 103.000 krónur fyri hvønn íbúgva ella meira enn 400.000 krónur fyri eina familju við fýra fólkum.

Kelda: Oljugrunnurin og E24

Oljefondets eierskap i globale aksjer