Betri møguleikar at løða el-bilar í Havn

Almennu løðimøguleikarnir økjast alla tíðina, og nú eru fýra nýggjar AC-løðistøðir settar upp á sentralum støðum í Havn, boðar Sev frá í tíðindaskrivi.

Tvør AC-løðistøðir standa á parkeringsøkinum við Tórsbreyt, har nógv fólk ferðast bæði til handils, til tiltøk í Norðurlandahúsinum og ikki minst til at venja á rennibreytini, í venjingarmiðstøðini, svimjihøllini, á rennibreytini ella aðra staðni á Hálsi og í Gundadali.

Tvær løðistøðir eru settar upp í Bókbindaragøtu aftan fyri gomlu politistøðina. Hetta er eisini eitt øki, har nógv fólk kemur og fer, og harafturat eru ikki eins góðir møguleikar hjá fólki, sum búgva í økinum, at hava egna løðistøð.

Sostatt er pláss fyri átta bilum afturat at løða samstundis á almennari løðistøð í Havn.