Uttanlands

Danmark framleiðir nú gass til Evropa eisini

Stóra Tyra gassleiðin í danska partinum av Norðsjónum hevur nú sett fulla ferð á framleiðsluna, sum ger, at Danmark verður sjálvsveitandi við gassi og kann eisini útflyta gass til Evropa

2025-03-01 21:21

Jan Müller

Tyra leiðin er tann størsta í Danmark og hevur verið undir útbygging og umvæling í fleiri ár. Nú framleiðir henda bæði fyri Danmark og Evropa týðandi orkuleiðin við fullari ferð. Hetta sigur TotalEnergies, sum er fyristøðufelag.

Tyra leiðin fer væntandi at framleiða 2,8 mia. kubikkmetrar av gassi um árið. Sambært felagnum varð gassnýtslan í Danmark í fjør uppá 1,4 mia. kubikkmetrar.

Tí fer henda so týðandi orkuleiðin eisini at kunna veita gass til grannalondini sigur Ole Hansen, stjóri í TotalEnergies í Danmark.

Tyra leiðin hevur verið fyri umvæling og útbygging síðani 2019. Roknað verður við at danska gassframleiðslan fer at vera ein kappingarneyti hjá stóru norsku gassframleiðsluni, tó at tørvur er á øllum framleiddum gassi í Evropa fyri at sleppa undan russiska gassinum, sum kortini tørvur verður á.

Vinarliga broyt tínar kennifíla - og privatlívsstillingar fyri at síggja hetta innihald