Danska Vestas heimsins størsti vindmylnuframleiðari

Hetta vísir ein kanning, sum Bloomberg New Energy hevur gjørt um støðuna sum heimsins størsti framleiðari av vindmyllum í 2021.

Vestas framleiddi vindmyllur svarandi til 15,2 GW í farna ári.  Eftir Vestas kemur kinverska fyritøkan Goldwind við 12.0 GW og á triðja plássi kemur  Siemens Gamesa við 8,64 GW. Síðani koma Envision við 8,46 GW og amerikanska GE við 8,3 GW. GE var størsti framleiðari í 2020. Samlaða framleiðslan av vindmyllum í fjør setti eisini altjóða met eitt einstakt ár við 99,2 GW móti 98,5 GW árið fyri. 

Tær seks vindmyllurnar, sum feløgini Røkt og EFFO  í hesum døgum seta upp á Gellingarkletti, eru frá Vestas. Her verður gjørt klárt til at seta myllurnar upp. Mynd Jan Müller

Vindmyllur á landi stóðu fyri 83% av øllum vindmyllum, meðan havvindmyllurnar stóðu fyri 16,6 gigawattum. Heimsins størsti marknaður fyri vindmyllur í fjør var Kina, sum sambært Bloomberg kanningini stóð fyri 5,8 GW. USA setti upp næstmest vindmyllur í fjør við 13 GW. 

Keldur:  Bloomberg, EnergyWatch