Effo leggur fram nýggja orkuverkætlan

Í dag klokkan 13 verður ein spildurnýggj orkuverkætlan løgd fram á høvuðsskrivstovuni hjá Effo í Havn. Fyritøkan, sum dagliga veitir olju og oljurelaterðar vørur til bæði føroyingar og útlendingar, hevur eisini lagt seg eftir at gerast týðandi partur av grøna orkuskiftinum, sum føroyska samfelagið hevur sett sær fyri at raðfesta.

Vindmylnulundin á Gellingarkletti. 

Effo hevur eins og hitt oljufelagið Magn gjørt stórar íløgur í vindorku á landi í Føroyum.

Fyritøkan Effo tók í februar í ár í nýtslu nýggju vindmylnulundina á Gellingarkletti saman við felagnum Røkt. Hon er í dag størsta vindmylnulundin í landinum og framleiðir grøna orku inn á netið hjá SEV.

Tá vindmylnulundin á Gellingakletti alment varð tikin í nýtslu í februar. Fv. Janus Thomsen, táverandi stjóri í Effo, Johan í Niðristovu, stjóri í Røkt og Gunnar Nielsen, stjóri í Effo, sum í dag vegna Effo fer at leggja fram nýggja orkuverkætlan. Mynd Jan Müller