Eldur í oljugoymslu í Russlandi

Eldur kyknaði í morgun í einari russiskari oljugoymslu í bygdini Volna í russiska Krasnodar-landslutinum – nær við brúnna til Krim-hálvoynna.

Tað upplýsir lokali guvernørurin sambært tíðindastovuni Reuters.

Russiskir miðlar skriva, at orsøkin er eitt dronuálop.

Fyri fýra døgum síðani var eisini eldur í einari aðrari oljugoymslu í havnabýnum Sevastopol á Krim, sum Russland hertók í 2014. Russar søgdu, at Ukraina stóð aftanfyri.