Uttanlands

Grønland tekur undir við Parísavtaluni

Landið ynskir at vísa ábyrgd sum partur av Arktis segði landsstýrisformaðurin á COP26.

2021-11-02 18:15 Author image
Jan Müller

Í dag kunngjørdi grønlendski landsstýrisformaðurin Múte Bourup Egede á eini samkomu í norðurlendska skálanum á COP26, at grønlendska landsstýrið hevur avgjørt at taka undir við veðurlagsavtaluni, sum varð gjørd í París í 2015. Tað var eisini her, at landsstýrisformaðurin legði fram grønlendsku ætlaninar um eina grønari framtíð.

-Eg eri errin av, at tað nýggja Naalakkersuisut, grønlendska landsstýrið, hevur avgjørt, at Grønland skal taka undir við Parísavtaluni, segði Múte Egede, sambært heimasíðuni Norden. 

Hann vísti samtíðis á, at arktiska økið er eitt av teimum økjum á jørðini, sum merkir mest til altjóða upphitingina, og tí helt hann tað vera náttúrligt, at Grønland tekur ábyrgd. Tað merkir, at Grønland má eisini geva sítt íkast.