Heimurin stevnir móti vanlukku ávarar veðurlagsráðharri

Roknað verður við, at hon fer at koma við sera álvarsligum niðurstøðum og tilráðingum um veðurlagsstøðuna í heiminum, nú ma. eldibrandar og vatnflóð gera um seg kring allan heimin.

Í gjár úttalaði Alok Sharma, sum stendur á odda fyri komandi altjóða

veðurlagsráðstevnuni í Skotlandi seinni í ár, um støðuna í heiminum og segði, at vit fara at uppliva eina veruliga vanlukku, um ikki okkurt verður gjørt skjótast fyri at forða fyri størri útláti. Tað er bretska stjórnin, sum hevur útpeikað hann til at standa á odda fyri veðurlagspolitikkinum, og her skal so komandi veðurlagsráðstevnan Cop26 standa sína roynd. Ikki færri enn 196 lond verða umboðað, tá ráðstevnan verður í Glasgow í november.

ST frágreiðingin um veðurlagið, sum verður løgd fram í dag, skal vera grundarlagið undir viðgerðini á stóru ráðstevnuni. Alok Sharma sigur, at Cop26 er seinasti møguleikin hjá heimsins londum at venda gongdini, soleiðis at upphitingin kann temjast og halda seg til tey 1,5 stigini, sum varð samtykt í Parísavtaluni frá 2015.