Landsstýriskvinnan í umhvørvismálum vitjar Umhvørvisstovuna

Nú stutt eftir at vit fingu nýtt landsstýri við ikki færri enn níggju landsstýrisráðum og landsstýrisfólkum hava tey nývaldu havt úr at gera við at  fóta sær í nýggjum umhvørvunum, og tað er so eisini at vitja mongu stovnarnar tey skulu umsita komandi fýra árini. 

Fyri nýggju landsstýriskvinnuna í umhvørvismálum, Ingilín D. Strøm, gekk leiðin í dag út á Umhvørvisstovuna á Argjum.  

Umboð fyri Umhvørvisstovuna greiddu landsstýriskvinnuni frá um arbeiðsøkið hjá stovninum. Eisini fekk landstýriskvinnan høvið til at heilsa uppá starvsfólk á stovninum.

Ingilín fekk handað ein føroyskt framleiddan Winter børk í gávu frá Umhvørvisstovuni.