Methøg framleiðsla av sólorku í juni

Sólorkuframleiðslan í juni lá á 35,8 MWh, ið er met síðan sólorkulundin í Sumba var tikin í nýtslu í desember 2019.

Hetta skrivar SEV á heimasíðuni.

Samanborið við juni 2022, tá framleiðslan var 27 MWh, er hon í ár nærum 8,9 MWh hægri. So góða veðrið í juni var ikki bara til frama fyri fólkið.

Framleiðslan undanfarnu árini vísir, at sólorkuframleiðslan vanligt er hægst í mai, juni og juli. Í ár var framleiðslan tó hægri í apríl enn í mai.