Noreg mennir gassframleiðslu í Barentshavi

Norra hevur tikið eitt týðandi stig til at gerast ein av heimsins stóru og tryggu veitarum av gassi til altjóða marknaðin. Hetta hendi í vikuni, tá framleiðsluskipið Johan Castberg fór undir sína fyrstu framleiðslu. Gassleiðin fer at framleiða komandi 30 árini og styrkja leiklutin hjá Norra sum ein álítandi og langsiktaður orkuveitari.

Johan Castberg leiðin fer at framleiða 220.000 tunnur av olju/gassi um dagin. Goymslan er mett til 650 mió. tunnur. Tað hevur kostað 86 mia. kr. at útbyggja leiðina.

Útbyggingin fer at seta ringar í sjógvin bæði á landi í Norra og eisini í Barentshavinum, har fleiri aðrar keldur standa fyri møguligari framleiðslu komandi árini.

70% av øllum vørum og tænastum til útbyggingina koma úr Norra, og tá framleiðslan koyrir við fullari ferð fer norski heimamarknaðurin at standa fyri 95% av veitingunum.

Johan Castberg fevnir um fleiri keldur, Skrugard, Havis og Drivis, sum eru funnar síðani 2011. Leiðin liggur 100 kilometrar noðran fyri Snøhvit leiðina í Barentshavinum og 150 km. frá Goliat og 240 km. frá Melkøya.