Norski forætisráðharrin ávarar um sabotasju

Hesa seintastu tíðina hava verið fleiri hendingar í Eystrasalti, har orku- og samskiftiskaðalar eru slitnaðir. Nógv bendir á, at Russland stendur aftanfyri hendingarnar vilja fleiri vera við, tó at tað enn ikki fyriliggja ítøkilig prógv, hvør stendur aftanfyri.

Eisini hevur verið gitt, at Kina kann hava ein leiklut í mongu hendingunum, har kinversk skip eru undir illgruna fyri við vilja at hava sleipað akker yvir týdningarmiklar rørleiðingar. 1. Jóladag varð orkukaðalin Estlink 2 millum Estland og Finland kvettur av. Kaðalin verður brúktur til at veita streym úr Norðurlondum til baltisku londini. Løgreglan í Finlandi hevur funnið sleipispor á havbotninum í Eystrasalti uppá fleiri kilometrar og er komið til, at hesi stava frá skipinum Eagle S.

Nú rópar eisini norski forsætisráðharrin Jonas Gahr Støre varskó og sigur, at talan kann vera um eitt slag av hybridkrígshóttan, ið er sera álvarslig.

Norska stjórnin fylgir gongdini og hevur Støre samband við sínar starvsfelagar í Finlandi og Estlandi. Stjórnin fer nú at leggja fram eina fullkomna trygdarskipan fyri at menna samskipanina millum ymsar partar av samfelagnum fyri at vera tilbúgvin í sambandi við nýggjar hóttanir sigur hann.

totalberedskapsmelding