Nú ber til at søkja stuðul til alternativar grønar orkuverkætlanir

Nú ber til at søkja um stuðul til verkætlanir, sum snúgva seg um alternativar grønar orkumøguleikar. Tað boðar Umhvørvismálaráðið frá í tíðindaskrivi í dag.

– Endamálið við stuðlinum er at útvega vitan og royndir við atliti at alternativum grønum orkumøguleikum. Tí fáa kommunur, felagsskapir og privat feløg møguleikan at fremja verkætlanir saman við Orku á Umhvørvisstovuni og/ella Jarðfeingi.

– Talan kann eitt nú vera um kanningar, skjalfesting og praktiskar royndir. Verkætlanirnar skulu verða framdar í samstarvi við Orku á Umhvørvisstovuni og/ella Jarðfeingi.

Umsóknirnar skulu vera Umhvørvismálaráðnumí hendi í seinasta lagi 24. september.