Pumpuskipanin í Vestmanna í vanda

Nevndarformaðurin í SEV, Kári Johansen segði við Dag og Viku í gjárkvøldið, at hann hevur kunnað eigararnar av SEV,  kommunurnar,  um støðuna í sambandi við pumpuskipanina, sum er eitt høvuðsgrundarlagið undir ætlanini at røkka grønu málunum innan 2030. 

Verkætlanin dýrkar og hetta hevur SEV  boðað kommununum frá. Kostnaðurin verður 1,5 mia. kr. Tað gevur stórar avbjóðingar, og fyri at fáa búskapin rundan um stóru verkætlanina í lagi, so tørvar SEV 160 MW av vindi, tá skipanin stendur klár sigur nevndarformaðurin. 

Verkætlanin er klár til at bjóða út í heyst segði Kári Johansen men vísti samtíðis á, at SEV má  fáa eina tilsøgn frá landinum og Orka um, at vindparturin av verkætlanini eisini er klárur.

-Vit vilja øll tað grøna og serliga SEV. Visiónin sigur eisini 2030 Vit heita tí á landsstyrið at geva okkum eina vissu og váttan fyri,  at vindurin vit skulu brúka verður tøkur, tá skipanin verður tikin í nýtslu.