Seks skotskar oyggjar valdar út at verða grønar

Hetlendska oyggin Yell er ein av seks skotskum oyggjum, ið eru valdar út av skotsku stjórnini at gerast kolevnisnevtral í 2040, skrivar Shetnews.

Hetta varð kunngjørt í skotska tjóðartinginum í gjár. Hinar oyggjarnar, ið skulu vera CO2-nevtralar innan 18 ár, eru Hoy, Islay, Great Cumbrae, Raasay og Barra.

Yell er næststørsta oyggin í Hetlandi eftir Mainland, og liggur sum næstnorðasta oyggin millum Mainland og Unst.

Við hesi ætlanini hjá skotsku stjórnini verður Yell stuðlað sum undangonguoyggj fyri aðrar oyggjar í økinum.