Sverri Egholm
Á eykaaðalfundi í dag hevur Sev samtykt at hækka elprísin fyri allar kundar við fimm oyrum pr. kWt næsta ár.
Príshækkingin kemur í kjalarvørrinum á fráboðaða økta oljuavgjaldinum hjá landsstýrinum, sum fer at tyngja raksturin hjá Sev við 30 mió. kr.
Ein triðingur av øktu útreiðslunum verða funnar í rakstrinum, meðan restin verður fíggjað við at hækka elprísin komandi ár.
Neyðugt at hækka prísin
- Vit harmast um soleiðis at fáa álagt eitt kostnaðarmikið umhvørvisgjald fyri at gera rúm fyri skattalætta. Tað hevði givið meining, um peningurin fór til grønar íløgur, sum kundu ført Føroyar enn longri fram móti einum burðardyggari samfelag, men so er ikki, sigur Kári Johansen, nevndarformaður í Sev.
- Ætlanin var ikki at hækka elprísin, men tíverri bleiv tað neyðugt, sigur Kári Johansen.
Príshækkingin fær gildi 1. januar 2024.
Vinarliga broyt tínar kennifíla - og privatlívsstillingar fyri at síggja hetta innihald