Skrásetingin av elbilum næstan tvífaldað seinasta árið

Skrásetingin av elbilum er næstan tvífaldað hetta seinasta árið

Sølan av el-bilum hevur rættiliga tikið dik á seg hesa seinastu tíðina. Fyri 10 árum síðan vóru bert tríggir av gott 20.000 persónbilunum í Føroyum el-drivnir, í 2019 vóru elbilarnir komnir upp á 99, men síðan tá er talið á elbilum meira enn ellivufaldað, skrivar Vinnuhúsið.

Í byrjanini av 2022 vóru 603 el-drivnir persónbilar skrásettir í Føroyum, og tá vit komu inn í 2023 var talið næstan tvífaldað til 1.106 el-drivnar persónbilar, og tað er framvegis stórur vøkstur í eftir­spur­ningi­num og søluni av el-bilum.

Heldur gongdin fram, fer talið á elbilum at verða uml. 10.000 um fimm ár, og fer tað at svara til uml. ein triðing av samlaða talinum á skrásettum persónbilum í landinum, skrivar Vinnuhúsið.

(Mynd: Industry.fo)