Sólpanel á øll húsatøk í Bretlandi  

Hetta ætlar bretski orkuráðharrin, Michael Shanks, sum greiddi frá ætlan síni í bretska parlamentinum í vikuni. -Finst eitt tak, har vit kunnu seta upp sólpanel, tá skal tað gerast segði hann og vísti á, at tað almenna Bretland skal stuðla uppundir hesa grønu ætlan.

Stjórnin hevur eisini kunnað um ætlanina at seta upp sólpanel á øllum hugsandi almennum ognum so sum skrivstovum og á parkeringsplássum. Stjórnin ætlar at seta krøv um, at umframt húsatøk, skulu eisini almenn pláss seta upp sólpanel, so hesi kunnu lata streym til tað virksemi, sum finst í nánd.

Tað fer helst at vera eitt krav, at tey, sum byggja hús frá 2027, skulu  seta upp sólpanel.

Í kanningum um uppseting av sólpanelum, siga 88%, at tey halda tað vera rætt at seta upp slík.