Stýrið í Varandi Vinnu skipað seg

Nýggja stýrið í Varandi Vinnu hevur nú skipað seg við Onnu Kalsø sum forkvinnu og Bjarturi Vestergaard Hjaltalin sum næstformanni.

– Varandi Vinna er ein týðandi samstarvspallur fyri fyritøkur, sum raðfesta burðardygd og vilja arbeiða við at menna góðar karmar til at reka burðardygga vinnu í Føroyum. Fyrsta árið hjá netverkinum hevur staðfest, at stórur tørvur er á samstarvi, vitanardeiling og praktiskum amboðum, sum gera tað lættari hjá fyritøkum at arbeiða við burðardygd á ein munadyggan hátt. Í dag eru 33 fyritøkur í netverkinum, sum er skipað í tveimum sporum, skrivar heimasíðan hjá Vinnuhúsinum.

Í nývalda stýrinum sita nú:

• Anna Kalsø, J&K Petersen Contractors
  
• Bjartur Vestergaard Hjaltalin, Búsetur
  
• Ingunn Eiriksdóttir, Betri Trygging
  
• Jón H. Atlason, Hiddenfjord
  
• Mouritz Mohr, MEST
  
• Niels Winther, Vinnuhúsið
  
• Ulla Joensen, Elektron