Trump steðgar vindorkulund hjá Equinor

Talan er um Empire 1 verkætlanina, ið er ein stór havvindútbygging uttan fyri New York. Hetta hevur fingið øði í guvernørin í New York, Kathy Hochul, sum sigur, at hon fer at gera alt hon kann fyri at forða stjórnini at leggja seg út í málið.

Verkætlanin skal kunna veita orku til hálva millión húsarhald, og skuldi framleiða fyrsta streymin í 2027. Equinor sigur, sambært e24, at felagið fer nú at taka málið upp við myndugleikarnar fyri at skilja krøvini og avleiðingarnar.

Amerikanski forsetin Donald Trump hevur sett sær fyri at steðga grøna orkuskiftinum og í tí sambandi eisini at seta fót fyri fleiri stórum vindorkuútbyggingum í USA. Tað fer at raka fyritøkum sum Equinor og Ørsted. 

Útbyggingin er partur av framtíðar royndunum at nøkta stóra eftirspurningin eftir orku í einum av heimsins størstu býum. Útbyggingin er mett at kosta 53 mia. kr.

Eygleiðarar vilja annars vera við, at verður útbyggingin endaliga steðgað kann hetta tvørturímóti vera sera heppið fyri Equinor, tí íløgan longu er sera óviss - ivi er um, at hon fer at gagna eigarunum av Equinor. Hon telist millum mongu grønu orkuútbyggingarnar, sum í síðsta enda ikki eru nóg lønandi.