Zelenskyj: Orkuframleiðandi lond eiga at økja um framleiðsluna

Orkuframleiðandi lond eiga at økja um framleiðsluna, sigur ukrainski forsetin, Volodymyr Zelenskyj í røðu á altjóða ráðstevnuni í Doha, høvuðsstanum í Katar í dag.

Londini skulu økja um framleiðsluna, so Russland ikki kann brúka sína olju og gass til at leggja trýst á onnur lond, sigur hann.

– Eg heiti á tykkum um at økja tykkara orkuframleiðslu fyri at tryggja, at øll í Russlandi skilja, at einki land kann brúka orku sum vápn og leggja trýst á heimin, sigur Zelenskyj sambært Ritzau.

Les eisini: USA vil gera Evropa minni heft av russiskum gassi