Banna oljuvirksemi í Amazonas

Herfyri møttust londini, sum hava mark til risastóru Amazonas regnskógina fyri at umrøða framtíðar nýtsluna av hesum stóra partinum av Suðuramerika til vinnulig endamál. Avgjørt varð at arbeiða fram ímóti at steðga skógarruddan m.a. av umhvørvisligum orsøkum.

Nù hevur so eitt av londunum við eina fólkaatkvøðu bannað allari oljuboring í einum parti av skóginum, sum liggur í Equador. Talan er um Yasuni Tjóðarparkina. Umleið 60% av fólkinum atkvøddu fyri at steðga allari framtíðar oljuframleiðslu í hesum so viðbrekna og týðandi partinum av Amazonas. Hetta skrivar DR.

Sambært The Guardian er Yasuni tjóðarlundin heimstaður hjá fólkabólkum, sum enn ikki hava blandað seg við aðrar íbúgvar í landinum. Økið er eisini av stórum týdning fyri bæði djóra- og plantulív.