Innanlands

COP26: Løgmaður á veðurlagsráðstevnu

Løgmaður hevði eina hendingaríka ferð í Glasgow fyrr í vikuni. Fyrstu dagarnar settu heimsins leiðarar mál á veðurlagsøkinum. Tað ger landsstýrið eisini. Á ráðstevnuni hevði Bárður á Steig Nielsen, eisini høvi fyri fyrstu ferð at hitta Ursula von der Leyen, ES-nevndarforkvinnu.

2021-11-06 11:15 Author image
Jan Müller

”Okkara mál er at minka um útlátið av vakstrarhúsgassi í minsta lagi 30 prosent í 2030 í mun til 2010. Skulu vit røkka hesum máli, krevur tað umleið eina helvtarminking í mun til útlátið, sum tað var í 2020,” sigur Bárður á Steig Nielsen, løgmaður, eftir at hava luttikið á veðurlagsráðstevnuni í Glasgow. 

[object Object]

Løgmaður hitti fyrrv. amerikanska uttanríksiráðharran, John Kerry

Fyrrapartin mánadagin var tíðindafundur á COP26, har løgmaður, danski forsætisráðharrin og grønlendski landsstýrisformaðurin tóku lut. Á tíðindafundinum gjørdi løgmaður greitt, at Føroyar taka veðurlagsbroytingarnar í størsta álvara, og at landsstýrið í næstum fer at leggja sín orku- og veðurlagspolitikk fram.

Eftir eitt tiltak um eina veðurlagsneutrala skipaferðslu í 2050, skifti løgmaður orð við fyrrverandi amerikanska uttanríkisráðharran John Kerry, ið nú er serligur sendiharri í veðurlagsmálum hjá amerikonsku stjórnini. 

Eisini Ursula von der Leyen, ES-nevndarforkvinna, var á COP 26. Hetta var fyrstu ferð løgmaður hitti ES-nevndarforkvinnuna. Løgmaður vísti henni millum annað á, at landsstýrið hevur sett sær sum mál at fáa í lag betri og tættari samband millum Føroyar og ES.

Eftir COP 26 fór løgmaður til Keypmannahavnar, har árligi fundurin í Norðurlandaráðnum var á skrá.

[object Object]

Løgmaður her saman við Metter Fredriksen, danska forsætisráðharranum.

Kelda: Løgmansskrivstovan