Einki verkfall í norsku oljuvinnuni

Lagt varð upp til verkfall í norsku oljuvinnuni, sum hevði steðgað stóran part av framleiðsluni. Men partarnir komu ásamt um sáttmála. Hetta merkir, at framleiðslan av olju og gassi á fleiri týðandi norskum feltum kann halda fram ótarnað. Størstan týdning í hesum sambandi hevur Mongstad terminalurin, sum tekur ímóti dagligu framleiðlsuni frá fleiri týðandi feltum so sum Troll og Johan Sverdrup.