Fáa undantak til olju

Arbeiðarafeløgini, ið eru í verkfalli, hava gjørt avtalu við Magn og Effo, um at eitt skip við olju sleppur at uppskipa olju sunnukvøldið 19. mai. Hesum boða arbeiðarafeløgini tey frá.

- Hetta tryggjar, at føroysku oljugoymslurnar lúka kravda minstamark. Oljan kemur til landið, og verður goymd í avbyrgdu goymslunum hjá oljufeløgunum.

- Oljufeløgini hava samstundis lovað at virða verkfallið, og einans gera neyðsynjar áfyllingar, ið tey hava fingið undantak til, verður sagt.

Mánadagin er ein vika síðani verkfallið hjá arbeiðarafeløgunum byrjaði.