Uttanlands

Heimurin fer at mangla olju

Um vit ikki økja munandi um íløgurnar í oljuleiting, so verður ov lítið av olju til at nøkta eftirspurningin fram til 2050.

2021-01-07 10:10

Jan Müller

Niðurstøðan í nýggjastu frágreiðingini frá greinarafyritøkuni Rystad Energy

Hetta er niðurstøðan í eini frágreiðing, sum norska greinarafyritøkan, Rystad Energy, gjørdi i desember mánað í fjør.

Fyritøkan vísir á, at við sera avmarkaðu íløgunum í nýggja leiting er heimurin á eini kós, har ikki ber til at nøkta eftirspurningin eftir olju fram til 2050, hóast Covid-19 og grøna orkuskiftið halda fram við at tálma nýtsluna av olju í næstu framtíð.

Fyri at kunna nøkta vaksandi altjóða eftirspurningin komandi 30 árini, verður neyðugt at finna nýggjar oljukeldur, ið sambært frágreiðingini frá Rystad, rúma tilsamans 313 mia. tunnur av olju, aftrat teimum, sum longu verða framleiddar frá verandi keldum.

Rystad sigur víðari, at skal eftirspurningurin røkkast, verður neyðugt við 139 mia. nýggjum tunnum í 2050, sum verður ómøguligt at røkka, um verandi lága framleiðslan heldur fram.

Hóast nógv olja er funnin og liggur í undirgrundini, so eru langt frá øll fund, sum tað lønar seg at útbyggja til framleiðslu. Helst er talan um einar 74 mia. tunnur, sum tað ikki loysir seg at taka upp, og tí verður neyðugt við nýggjum lønandi fundum.

Rystad metir, at megnar grøna skiftið ikki at vísa á nógv størri broytingar, so verður neyðugt hjá oljufeløgunum at bora sera stórt tal av brunnum komandi árini.

Í endaligu niðurstøðuni í frágreiðingini frá Rystad sigur Palzor Shenga, greinari m.a.:

“The scope of exploration will have to expand significantly. Unless we see a momentous transition in the global energy mix sooner than currently expected, or a much faster development pace than the current norm, upstream players may have to more than double their conventional exploration efforts in order to meet global oil demand through 2050."

Vinarliga broyt tínar kennifíla - og privatlívsstillingar fyri at síggja hetta innihald