Ingilín Strøm: - Mugu geva vatnnýtslu størri ans

Hetta segði Ingilín D. Strøm, landsstýriskvinna í umhvørvis- og orkumálum á stóru oyggjar-vatnráðstevnuni í Norðurlandahúsinum fríggjadagin.

Hetta skal gerast m.a. við tí fyri eygað at tryggja eina høga góðsku fyri borgararnar. Eisini til tess at kunna regulera atgongdina hjá orkuframleiðarum eins og hjá vinnuni.

Ingilín Strøm helt fyri, at tað er tí tørvur á at vísa vatnspurninginum sum heild størri ans. Fyri at røkka hesum máli er tørvur á nýggjari lóggávu.

-Smærri oyggjar kunnu vísa vegin, hvussu vit handfara tær stóru avbjóðingarnar. At vit hava kunnað verið saman her í Føroyum og varpað ljós á henda so týðandi spurningin um vatn, hevur latið eyguni upp fyri týdninginum av feskvatni hjá mongum av okkara borgarum eisini.  At hetta er nakað vit eiga at raðfesta framyvir. Við slíkari ráðstevnu kunnu læra av øðrum segði Ingilín Strøm.