Iran gjørt avtalur við Pakistan og Tailand um sigling gjøgnum Hormuzsundið

Iran hevur gjørt avtalu við Pakistan og Tailand um loyvi at sigla gjøgnum Hormuzsundið.

Undir krígnum í Iran, sum byrjaði fyri einum mánað síðani, hevur Hormuzsundið, sum umleið ein fimtingur av oljuni í heiminum verður flutt ígjøgnum, í roynd og veru verið stongt fyri skipaferðslu orsakað av vandanum fyri iranskum álopum.

Men Iran fer nú at loyva 20 pakistanum skipum afturat - tvey um dagin - at sigla gjøgnum sundið, og Tailand sigur seg eisini hava fingið loyvi at sigla gjøgnum sundið.

Hvussu nógv tailendsk skip talan er um, og nær hetta kemur í gildi, er ógreitt, skrivar Ritzau.

Úr Indonesia verður sagt, at "jaligar tingingar" hava verið um loyvi at sigla gjøgnum Hormuzsundið.