Jan Müller
Norra hevði eitt yvirskot uppá 78,7 mia. norskar kr. á handilsjavnváganum í november skrivar norski hagtalsstovnurin “Statistisk sentralbyrå” í morgun.
Hetta eru tó 5,8 mia. kr. minni enn í metið í oktober. Samlaði vøruútflutningin var uppá 158,1 mia. kr. í november og setti met fimta mánaðin á rað. Tað er tvífalt so nógv sum fyri november í fjør, skrivar Finansavisen.
Hægri orkuprísir og serliga á gassi eiga mesta av framgongdini. Vøruinnflutningurin var uppá 79,4 mia. kr. í november.
Virðið á útflutninginum á gassi var 72,6 mia. kr. í november og nærum fimm ferðir so nógv sum fyri november í fjør. Útflutningurin á olju var uppá 34.6 mia. kr. og hækkaði við 83,4% í mun til sama mánað í fjør. Høvuðsorsøkin var ein vøkstur í oljuprísinum úr 394 til 699 kr. fyri fatið.
Vinarliga broyt tínar kennifíla - og privatlívsstillingar fyri at síggja hetta innihald