Oljutangin hjá SEV tikin niður

Nýggi oljutangin hjá SEV á Sundi smokkaði saman í illveðrinum í september, og fríggjadagin varð stórur partur av honum tikin niður.

Heri Mortensen, deildarstjóri fyri framleiðsluna hjá SEV sigur við Portalin, at fyribils eru 14 metrar av 20 metrar høga skadda tanganum tiknir niður, og nú verða metingar gjørdar, um hvørt tangin kann standa veturin yvir í verandi líki.

Tangin, sum tekur 8.000 rúmmetrar av olju, skuldi upprunaliga vera liðugur nú í november.

– Farið verður neyvan undir at byggja tangan uppaftur, fyrrenn komandi vár, sigur Heri Mortensen.