Sabotasja móti gassleiðing millum Estland og Finland

Talan er um Balticconnector gassleiðingina, sum flytur stóran part av gassinum, sum verður brúkt í Finlandi, úr Estlandi. Hóast tað enn ikki ber til at siga, um talan veruliga er um sabotasju, so bendir nógv á, at “onkur” hevur skatt bæði orkuveiting og samskiftisveiting við vilja. Hetta ásannar finski forsetin men vil enn ikki siga nakað um, hvør kann standa aftanfyri.

Hendingin hevur aftur reist spurningin um trygdina á undirstøðukervinum í Norðurlondum, har fleiri dømi eru um, at russar í longri tíð hava njósnast og kortlagt bæði olju- og gassleiðingar eins og samskiftiskaðalar bæði í Eystrasalti og í Norðsjónum.

Í Nato síggja tey støðuna sum sera álvarsliga og hava sagt seg vilja hjálpa Finlandi. Hóast gassveitingin til Finlands ikki hevur altavgerandi týdning fyri landið, so dúvar stórur partur av finska ídnaðin uppá nettupp gass frá hesi leiðingini.