Innanlands

SAS ætlar at keypa el-flogfør

Flogfelagið hevur skrivað undir eina ætlanaravtalu um at keypa tvey el-flogfør í 2028. ES-30 flogførini kunnu flúgva 200 kilometrar upp á el

(Mynd: SAS)

(Mynd: SAS)

2022-09-16 08:35 Author image
Sverri Egholm
placeholder

SAS hevur skrivað undir avtalu við Heart Aerospace.

Um alt gongur sum SAS vil, fer felagið at keypa tvey flogfør av slagnum ES-30, sum vera partur av flotanum í 2028. Talan er um el-flogfør, skrivar e24.no.

Samtaksstjórin í SAS, Anko Van der Werff, sigur við DN, at hann sær fyri sær, at 20-25 prosent av flotanum verður el-flogfør áðrenn 2035.

ES-30 flogfarið kann flúgva 200 kilometrar við einum el, sigur SAS. Flogfarið er útgjørt við einari hybrid-skipan sum tiltaksskipan. Hetta gevur ES-30 eitt flogmál upp á 400 kilometrar við 30 ferðafólkum.

Vinarliga broyt tínar kennifíla - og privatlívsstillingar fyri at síggja hetta innihald

placeholder