Tíðindaskriv
20. mars 2026 var útboð av gassoljuveiting til landsins bygningar og annan tørv. Veitingin kemur at fevna um umleið 1,5 mio. litrar árliga, tó so at nøgdirnar væntandi koma at minka enn meiri næstu árini vegna umleggingar til grøna orku.
Trý tilboð komu inn og lægsta boð hevði Sp/f Thomsen.
Landsverk hevur nú undirskrivað treytaðan sáttmála við Sp/f Thomsen, um veiting av gassolju til landsins bygningar, umframt til asfaltverkið og bitumengoymsluna hjá Landsverki. Sáttmálin er treytaður av endaligari ISO-góðkenning.
Endamálið við útboðnum er at tryggja, at landið kann fáa sum mest fyri skattgjaldarans pening, umframt at tað eisini verður nýtt, sum liður í verkætlanini Orkutøk, hvørs endamál bæði er at minka um orkutørv og flyta okkum mótvegis einari grønari loysn til nøktan av orkutørvinum hjá landsins bygningum.
Landsverk
Vinarliga broyt tínar kennifíla - og privatlívsstillingar fyri at síggja hetta innihald