Tvær løðistøðir settar upp á Viðareiði

Infrakervið við almennum løðistøðum er nú víðkað allan vegin norður til Viðareiðis. Tvær AC-løðistøðir eru nevniliga settar upp og til, so tað er klárt at løða, boðar Sev frá á heimasíðu síni.

Til ber eisini at løða uttan at hava elbil appina, boðar Sev frá.

Á løðistøðunum er QR-kota, sum førir teg beinleiðis til eina gjaldssíðu, har tú kanst rinda við gjaldskorti, Apple Pay ella Google Pay.

Hetta er nýggjur gjaldsháttur fyri løðing, sum heilt skjótt fer at verða møguligur á øllum almennu løðistøðunum.